TCSનો ₹70,000 કરોડનો AI મેગા પ્રોજેક્ટ, 264 એકરમાં સ્થાપશે ડેટા સેન્ટર કેમ્પસ

Tata Consultancy Services એટલે કે TCSની પેટાકંપની HyperVaultએ હૈદરાબાદમાં મોટા પાયે આર્ટિફિશિયલ ઇન્ટેલિજન્સ ડેટા સેન્ટર કેમ્પસ સ્થાપવાની જાહેરાત કરી છે. કંપનીએ શેરબજારને આપેલી માહિતી અનુસાર, આ કેમ્પસ માટે 264 એકર જમીન મેળવવામાં આવી છે અને તેની કુલ ક્ષમતા 1 ગીગાવોટ સુધીની હશે.

HyperVault અને તેના ભાગીદારો કેમ્પસના બાંધકામ અને સંચાલન માટે ₹70,000 કરોડ સુધીનું રોકાણ કરશે. કંપનીના જણાવ્યા પ્રમાણે, પ્રોજેક્ટને એકસાથે તૈયાર કરવાને બદલે ગ્રાહકોની માગ અને બદલાતી ટેક્નોલોજીની જરૂરિયાતોને ધ્યાનમાં રાખીને તબક્કાવાર વિકસાવવામાં આવશે.

આ પ્રોજેક્ટથી ડેટા સેન્ટર, ક્લાઉડ કમ્પ્યુટિંગ, ઇન્ફ્રાસ્ટ્રક્ચર મેનેજમેન્ટ અને અન્ય સહાયક ક્ષેત્રોમાં પ્રત્યક્ષ તથા પરોક્ષ રીતે હજારો રોજગારીની તકો ઊભી થવાની ધારણા છે. તેલંગાણાના મુખ્યમંત્રી એ. રેવંત રેડ્ડીએ આ પ્રોજેક્ટને રાજ્ય અને દેશ માટે ઐતિહાસિક ગણાવ્યો છે. આ રોકાણથી હૈદરાબાદને વૈશ્વિક AI ક્રાંતિના અગ્રણી કેન્દ્ર તરીકે સ્થાપિત કરવામાં મદદ મળશે. AI મોડલ અને કમ્પ્યુટિંગ ક્ષમતા હવે મહત્વપૂર્ણ જાહેર ઇન્ફ્રાસ્ટ્રક્ચરનો ભાગ બની રહ્યાં હોવાથી સ્થાનિક સ્તરે આવી સુવિધા હોવાનો તેલંગાણાને લાભ મળશે.

કંપની કેમ્પસના નિર્માણમાં ગ્રીન એનર્જી અને વોટર-ન્યૂટ્રલ ડિઝાઇનના સિદ્ધાંતો અપનાવશે. કંપનીનાં ટોચના અધિકારીએ જણાવ્યું કે આ પ્રોજેક્ટ કંપનીની ‘Infrastructure-to-Intelligence’ વ્યૂહરચનાને આગળ વધારશે. તેના હેઠળ AI માટે જરૂરી ઇન્ફ્રાસ્ટ્રક્ચરને TCSની ક્લાઉડ, AI અને એન્ટરપ્રાઇઝ ક્ષમતાઓ સાથે જોડવામાં આવશે.

આ પણ વાંચો: Crude Oil: હોર્મુઝમાં જહાજ પર હુમલા બાદ બ્રેન્ટ ક્રૂડ $107ને પાર

અમારી WhatsApp ચેનલમાં જોડાવા નીચે આપેલી લિંક પર ક્લીક કરો

https://whatsapp.com/channel/0029VbDPNhHISTkJEDTirJ16