હુથીઓનો ‘ઓઈલ એટેક’, ક્રૂડના ભાવમાં ફરી તેજી, બ્રેન્ટ $115ને પાર

સાઉદી અરબની સૌથી મોટી ઓઈલ રિફાઈનરી પર હુથી બળવાખોરોના હુમલા પછી બુધવારે 28 ઓક્ટોબરે આંતરરાષ્ટ્રીય બજારમાં ક્રૂડ ઓઈલના ભાવમાં ઊછાળો જોવા મળ્યો છે. દુનિયાના સૌથી મોટા ક્રૂડ ઓઈલ નિકાસકાર દેશ સાઉદી અરબ પર થયેલા આ હુમલાથી પશ્ચિમ એશિયામાં ઓઈલના પૂરવઠા પર અસર થવાની ચિંતા ફરીથી વધી ગઈ છે. ઈરાન અને તેની સાથે સંકળાયેલા સંગઠનો સાથે ચાલતા સંઘર્ષના કારણે પહેલાથી જ ઓઈલ બજારમાં અનિશ્ચિતતા જળવાઈ રહી છે.

આંતરરાષ્ટ્રીય બજાર Comex પર બ્રેન્ટ ક્રુડ વાયદો બુધવારે ભારતીય સમય મુજબ સવારે 9.10 કલાકે 1.42 ડોલર એટલે કે 1.25 ટકા ઉછળીને 115.30 ડોલર પ્રતિ બેરલ પહોંચી ગયો. બીજીબાજુ અમેરિકન વેસ્ટ ટેક્સાસ ઈન્ટરમીડિયેટ (WTI) ક્રૂડ ઓઈલ 1.19 ડોલર એટલે કે 1.19 ટકા વધીને 101.09 ડોલર પ્રતિ બેરલ પર ટ્રેડ કરી રહ્યો હતો.

હુથી બળવાખોરોએ કર્યો રિફાઈનરી પર હુમલાનો દાવો

ઈરાન સમર્થિત યમનના હુથી બળવાખોરોએ મંગળવારે દાવો કર્યો કે તેમણે મિસાઈલથી સાઉદી અરબની સૌથી મોટી ઓઈલ રિફાઈનરીને નિશાન બનાવી છે. આ હુમલાથી દુનિયાના બીજા સૌથી મોટા ક્રૂડ ઓઈલ ઉત્પાદક દેશ સાઉદી અરબ વિરુદ્ધ હુથી બળવાખોરોના હુમલા વધી ગયા છે. જે રિફાઈનરી પર હુમલાનો દાવો કરાયો છે તેની ક્ષમતા દૈનિક 5.50 લાખ બેરલ ઓઈલની છે. જોકે, સાઉદી અરબના અધિકારીઓએ તાત્કાલિક આ હુમલાની પુષ્ટી કરી નથી.

આ પહેલા મંગળવારે ક્રૂડ ઓઈલના ભાવમાં પ્રતિ બેરલ અંદાજે 2 ડોલરનો ઘટાડો આવ્યો હતો. પશ્ચિમ એશિયામાં ચલાતી વાતચીતથી ઓઈલનો પૂરવઠો ખોરવાઈ જવાની આશંકા કંઈક ઓછી થઈ હતી. જોકે, સાઉદી અરબની રિફાઈનરી પર હુમલાના સમાચાર પછી તેજી પાછી ફરી છે. આ દરમિયાન અમેરિકામાં ક્રૂડ ઓઈલના ભંડારમાં વધારો થવાનો અંદાજ છે. એક સર્વેક્ષણ મુજબ 23 ઓક્ટોબરે સમાપ્ત થયેલા સપ્તાહમાં અમેરિકામાં ક્રૂડ ઓઈલનો ભંડાર અંદાજે 15,000 બેરલ વધવાનો અંદાજ છે.

OPEC+ના ઉત્પાદન પર પણ બજારની નજર

ઓઈલ ઉત્પાદક દેશોના સંગઠન ઓપેક પ્લસ (OPEC+)ની આગામી બેઠક પર પણ રોકાણકારોની નજર રહેશે. આ બાબતની માહિતી રાખાનારા સૂત્રોએ જણાવ્યું કે, ઓપેક પ્લસના સભ્ય દેશો આગામી રવિવારે યોજાનારી બેઠકમાં ડિસેમ્બર માટે ઓઈલ ઉત્પાદનનું લક્ષ્ય વર્તમાન સ્તર પર જાળવી રાખી શકે છે. આ નિર્ણય બજારની આશાઓને અનુરૂપ હશે. હાલ ઓપેક પ્લસના સાત મુખ્ય દેશોમાંથી મોટાભાગના દેશોનું વાસ્તવિક ઓઈલ ઉત્પાદન નિશ્ચિત લક્ષ્ય કરતાં ઓછું છે. આ દેશોમાં સાઉદી અરબ, રશિયા, ઈરાક, કુવૈત, અલ્જિરિયા, કઝાકિસ્તાન અને ઓમાનનો સમાવેશ થાય છે.

રશિયા પાસેથી ક્રૂડ ઓઈલના નિકાસમાં ઘટાડાની શક્યતા

આગામી મહિનાથી રશિયાના બાલ્ટિક સાગર અને કાળા સાગર સ્થિત પોર્ટથી ક્રૂડ ઓઈલની નિકાસ ઘટી શકે છે. વેપારીઓ મુજબ આ મહિને અમેરિકા સાથે થયેલી સમજૂતી પછી રશિયાની ઘરેલુ રિફાઈનરીઓ ડીઝલનું ઉત્પાદન વધારી શકે છે. તેનાથી ઘરેલુ સ્તર પર ક્રૂડ ઓઈલનો વપરાશ વધવા અને નિકાસ માટે ઉપલબ્ધ ઓઈલની માત્રા ઓછી હોવાની સંભાવના છે. પશ્ચિમ એશિયામાં વધતા તણાવ, સાઉદી અરબની રિફાઈનરી પર હુમલાના દાવ અને રશિયા પાસેથી પૂરવઠામાં સંભવિત ઘટાડાના કારણે આગામી દિવસોમાં ક્રૂડ ઓઈલના ભાવમાં ઉતાર-ચઢાવ જળવાઈ રહી શકે છે.

આ પણ જૂઓ

Watch onYouTube