Mutual fund SIP inflows: SIPમાં રોકાણનો નવો રેકોર્ડ, ઓગસ્ટમાં ₹32,297 કરોડનું રોકાણ

શેરબજારમાં અસ્થિરતા અને વૈશ્વિક તણાવ વચ્ચે પણ ભારતીય રોકાણકારોએ મ્યુચ્યુઅલ ફંડમાં નિયમિત રોકાણ ચાલુ રાખ્યું છે. Association of Mutual Funds in India (AMFI)ના આંકડા મુજબ ઓગસ્ટમાં SIP મારફતે આવતું રોકાણ રેકોર્ડ સ્તરે પહોંચ્યું છે.

SIPમાં ₹32,297 કરોડ આવ્યા

ઓગસ્ટમાં SIP મારફતે કુલ ₹32,297 કરોડનું રોકાણ આવ્યું. જુલાઈમાં આ આંકડો ₹31,861 કરોડ હતો. એટલે એક મહિનામાં SIP રોકાણમાં આશરે ₹436 કરોડનો વધારો થયો છે.

સક્રિય SIP ખાતા 10.62 કરોડ

SIPમાં યોગદાન આપતા ખાતાઓની સંખ્યા પણ રેકોર્ડ સ્તરે પહોંચી છે. ઓગસ્ટમાં યોગદાન આપતા SIP ખાતાઓની સંખ્યા 10.2 કરોડ થઈ, જે જુલાઈમાં 9.9 કરોડ હતી. નવા 66.39 લાખ SIP ખાતા ખુલ્યા, જ્યારે 53.82 લાખ ખાતા બંધ થયા. પરિણામે કુલ સક્રિય SIP ખાતાઓની સંખ્યા 10.62 કરોડ થઈ ગઈ.

Equity ફંડમાં રોકાણ 19% વધ્યું

ઓગસ્ટમાં Equity Mutual Fundsમાં કુલ રોકાણ 19% વધીને ₹29,329 કરોડ થયું. જુલાઈમાં આ આંકડો ₹24,697 કરોડ હતો. Mid-cap ફંડમાં ₹6,989 કરોડનું રોકાણ આવ્યું, જે જુલાઈના ₹6,192 કરોડ કરતાં વધુ છે. બીજી તરફ Large-cap ફંડમાંથી ₹1,147 કરોડનો ચોખ્ખો ઉપાડ થયો હતો.

Tax Saver Fundsમાંથી પણ નાણાં બહાર નીકળ્યા

Tax Saver Fundsમાંથી ઓગસ્ટમાં ₹1,079 કરોડનો ચોખ્ખો ઉપાડ નોંધાયો. Dividend Yield Fundsમાંથી પણ ₹134 કરોડનો ચોખ્ખો ઉપાડ થયો હતો.

આ પણ વાંચો: PC Jewellersએ 14 કોન્સોર્ટિયમ બેન્કમાંથી 11નું દેવું ચૂકવતા શેરમાં ચમકારો

મ્યુચ્યુઅલ ફંડ ક્ષેત્રની AUM ₹87 લાખ કરોડ પાર

મ્યુચ્યુઅલ ફંડ ક્ષેત્રની કુલ એસેટ અન્ડર મેનેજમેન્ટ એટલે કે AUM વધીને ₹87.07 લાખ કરોડ થઈ ગઈ છે. જુલાઈમાં આ આંકડો ₹85.76 લાખ કરોડ હતો. બજાર મૂલ્યમાં થયેલા વધારાને કારણે કુલ AUMમાં વધારો નોંધાયો છે.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16