Opening Bell: Sensex અને Nifty મધ્યમ વધારા સાથે ખૂલ્યા

શુક્રવારના જોરદાર ઉછાળા બાદ GIFT Nifty નજીવા વધારાનો સંકેત આપી રહી હોવાથી, સોમવારે ભારતીય બેન્ચમાર્ક સૂચકાંકો Sensex અને Nifty મધ્યમ વધારા સાથે ખૂલ્યો છે. સેન્સેક્સ 298.99 પોઈન્ટ વધારા સાથે 72,771.32 પર ખુલ્યો છે. નિફ્ટી 72.75 પોઈન્ટ સાથે 22,593.20 પર ખુલ્યો છે. સવારે લગભગ 8 વાગ્યે GIFT Nifty 22.5 પોઈન્ટ અથવા 0.1 ટકાના વધારા સાથે 22,625 પર ટ્રેડ કરી રહ્યો હતો. શુક્રવારે ભારતીય શેરબજારમાં મોટો ઉછાળો જોવા મળ્યો હતો, જેમાં Sensex 879 પોઈન્ટ અથવા 1.23 ટકા વધીને 72,472 પર અને Nifty 289 પોઈન્ટ અથવા 1.30 ટકા વધીને 22,520 પર બંધ થયા હતા. વિદેશી સંસ્થાકીય રોકાણકારોએ સતત 11મા સત્રમાં પણ વેચવાલી ચાલુ રાખી હતી અને રૂ. 3,568 કરોડના શેર વેચ્યા હતા, જ્યારે સ્થાનિક સંસ્થાઓએ લગભગ રૂ. 4,743 કરોડના શેરની ખરીદી કરી હતી.

Wall Street પરનો ઉછાળો અને ક્રૂડ ઓઈલના ભાવમાં ઘટાડો બજારના સેન્ટિમેન્ટને ટેકો આપી શકે છે; જોકે, એશિયન બજારોમાં નરમાઈ, વિદેશી સંસ્થાકીય રોકાણકારો દ્વારા સતત વેચવાલી અને ભૌગોલિક-રાજકીય અનિશ્ચિતતા બજારની ઉપરની ગતિને મર્યાદિત કરી શકે છે. રોકાણકારો વૈશ્વિક સ્તરે નવા સંકેતો મેળવવા માટે આગામી US અર્નિંગ્સ સીઝન અને ફુગાવાના આંકડા પર પણ નજર રાખશે.

આ પણ વાંચો: Global Cues : GIFT Niftyથી Wall Street સુધી ક્યાં જોવા મળી રહી છે તેજી

આ પણ જુઓ:

Watch onYouTube