AI ઓઇલ-ગેસ સેક્ટરમાં 230 અબજ ડોલરનું મૂલ્ય છૂટું કરશે

નવી દિલ્હીઃ આર્ટિફિશિયલ ઇન્ટેલિજન્સ (AI) વૈશ્વિક અપસ્ટ્રીમ અને ઓઇલ-ગેસ સેક્ટરમાં 230 અબજ ડોલરનું મૂલ્ય છૂટું કરશે. ટેકનોલોજી મેચ્યોર થવાની સાથે ઓટોનોમસ ઓપરેટિંગ મોડ સામાન્ય બની જશે, એમ મેકિન્સી એન્ડ કંપનીએ જણાવ્યું હતું.

અહેવાલે જણાવ્યું હતું કે AI નજીકના ભવિષ્યમાં હાલના ટેકનોલોજી વડે અપસ્ટ્રીમ ઓઇલ-ગેસ કંપનીમાં 65 અબજ ડોલરનું મૂલ્ય છૂટું કરી શકે છે. આ જોતા આગામી દિવસોમાં તે ટેકનોલોજી પરિપકવ થતાં અને સ્વચાલિત મોડેલો આગળ વધતા આના પગલે 230 અબજ ડોલરનું જંગી મૂલ્ય છૂટું થઈ શકે છે.

મેકિન્સીનું કહેવું છે કે અપસ્ટ્રીમ ઓઇલ-ગેસ કંપનીઓના ડિજિટલ ટ્રાન્સફોર્મેશનને દાયકો થયાના પગલે આ તક સર્જાઈ છે. તેના કારણે ઓઇલ-ગેસ સેક્ટરની કંપનીઓએ વાસ્તવિક પરંતુ અસંતુલિત પરિણામ આપ્યા છે. તેના લીધે કાર્યક્ષમતામાં નોંધપાત્ર સુધારો થયો છે, ઓપરેશનલ સેફ્ટી અને ડેટા ઇન્ફ્રાસ્ટ્રકચરના મોરચે પણ નોંધપાત્ર પ્રગતિ જોવા મળી છે.

અહેવાલનો અંદાજ છે કે પ્રમાણભૂત થયેલી ટેકનોલોજીના ઉપયોગના પગલે મધ્યમથી લાંબા ગાળા માટે અપસ્ટ્રીમ ઓઇલ-ગેસ કંપનીઓ 125 અબજ ડોલર સુધીનું મૂલ્ય છૂટું કરી શકે છે. તેના પછી સંપૂર્ણ ક્ષમતાએ કામ કરે ત્યારે આ રકમ 230 અબજ ડોલર સુધી પહોંચી શકે છે.

અહેવાલે જણાવ્યું હતું કે શારકામ એટલે કે એક્સ્પ્લોરેશનના સેગમેન્ટમાં વર્ષે 35 અબજ ડોલરના AI રોકાણનું થશે. રિઝર્વ મૂડીનું સંપાદન કરીને આ કરી શકાશે. મેકિન્સીએ ઉમેર્યુ હતું કે જો કે કંપનીઓએ AIના ઉપયોગમાં સિલેક્ટિવ થવું પડશે. મોટાભાગની તકો પ્રમાણમાં નાના એપ્લિકેશન્સમાં જોવા મળે છે. તેનું એનાલિસિસ દર્શાવે છે કે 550થી વધુ AI યુઝનું તારણ હતું કે ટોપ ટેન વપરાશના કેસમાં તેના કુલ મૂલ્યનો અડધા જેટલો જ વપરાશ થયો હતો. જ્યારે ટોચના 60 એકાઉન્ટે 95 ટકા જેટલો વપરાશ કર્યો હતો.

અહેવાલે જણાવ્યું હતું કે એઆઈ અપસ્ટ્રીમ પર ધ્યાન કેન્દ્રિત થયું છે, તેના કારણે નોંધપાત્ર પ્રમાણમાં તકોનું સર્જન થયું છે. તેમા પણ સૌથી વધુ તકો ડેવલપમેન્ટ અને પ્રોડકશનના તબક્કામાં છે. આ ઉપરાંત પ્રોડકશન ઓપ્ટિમાઇઝેશન, ડ્રિલિંગ, આર્ટિફિશિયલ લિફ્ટ, રિઝર્વોઇર મેનેજમેન્ટ અને મેઇન્ટેનન્સમાં મોટાપાયા પર તકોનું નિર્માણ થયું છે.

Read the full article:

https://kuberanow.com/ipo/jio-platforms-ipo-sebi-approval-rs-37000-crore-2026082900003