અનૂપ બાગચીને સોંપાઈ HDFC Bankના MD-CEOની કમાન, 27 ઓક્ટોબરથી સંભાળશે જવાબદારી

HDFC Bankમાં MD અને CEO પદને લઈને ચાલી રહેલી ચર્ચાનો અંત આવ્યો છે. બેન્કે અનૂપ બાગચીને પોતાના નવા મેનેજિંગ ડાયરેક્ટર અને CEO તરીકે નિયુક્ત કર્યા છે. RBIની મંજૂરી બાદ બાગચી 27 ઓક્ટોબર 2026થી બેન્કની કમાન સંભાળશે.

27 ઓક્ટોબરથી સંભાળશે બેન્કની કમાન

HDFC Bank દ્વારા 1 ઓક્ટોબરે કરવામાં આવેલા સ્ટોક એક્સચેન્જ ફાઇલિંગ મુજબ, અનૂપ બાગચી 27 ઓક્ટોબરથી નવા MD અને CEO તરીકે કાર્યભાર સંભાળશે. હાલના MD અને CEO શશીધર જગદીશનનો કાર્યકાળ 26 ઓક્ટોબરે પૂર્ણ થઈ રહ્યો છે. તેમણે વધુ એક કાર્યકાળ માટે પુનઃનિયુક્તિ માગી નહોતી.

RBIની મંજૂરી બાદ થઈ નિમણૂક

બાગચીની નિમણૂક અને તેમના મહેનતાણાને RBIએ Banking Regulation Act, 1949ની Section 35B હેઠળ મંજૂરી આપી છે. આ ઉપરાંત HDFC Bankમાં બાગચીને 2 ઓક્ટોબર 2026થી એડિશનલ ડાયરેક્ટર તરીકે પણ નિયુક્ત કરવામાં આવ્યા છે. આ નિમણૂક શેરધારકોની મંજૂરી મળ્યા સુધી રહેશે.

આ પણ વાંચો: શેરબજારના હાલ બેહાલ! 25 વર્ષમાં પહેલીવાર સતત 8 અઠવાડિયા સુધી ઘટ્યું બજાર, ₹20 લાખ કરોડ સ્વાહા

અગાઉ બે નામ હતા ચર્ચામાં

HDFC Bankના ટોચના પદ માટે અગાઉ બે નામ RBI સમક્ષ મોકલવામાં આવ્યા હતા. તેમાં અનૂપ બાગચી ઉપરાંત HDFC Bankના ડેપ્યુટી MD કૈઝાદ ભરૂચાનું નામ પણ સામેલ હતું. બાગચી હાલમાં ICICI Prudential Life Insuranceના MD અને CEO તરીકે કાર્યરત છે. HDFC Bankની નવી જવાબદારી સાથે તેઓ દેશની સૌથી મોટી ખાનગી બેન્કના નેતૃત્વમાં આવશે.

આ પણ જુઓ

Watch onYouTube