ગુજરાતની મિલો પાસે 18 લાખ ક્વિન્ટલ ખાંડનો સ્ટોક, 15 ઓક્ટોબરથી ધમધમશે મિલ

ગુજરાતમાં ખાંડની ઉપલબ્ધતા અંગે હાલ પુરતો જથ્થો હોવાનું જણાવાયું છે. રાજ્યની 17 ખાંડ મિલો પાસે હાલમાં આશરે 18 લાખ ક્વિન્ટલ ખાંડનો સ્ટોક છે. સીઝન ન હોવાથી હાલ પીલાણ બંધ છે, પરંતુ 15 ઓક્ટોબર પછી મિલો ફરી શરૂ થતાં નવા ઉત્પાદન સાથે જથ્થામાં વધુ વધારો થવાની અપેક્ષા છે.

દર વર્ષે 9 લાખ મેટ્રિક ટન ખાંડનું ઉત્પાદન

ગુજરાતની 17 ખાંડ મિલોની કુલ દૈનિક શેરડી પીલાણ ક્ષમતા 73,800 ટન છે. રાજ્યમાં દર વર્ષે 2 લાખથી વધુ ખેડૂતો આ મિલોને શેરડી પૂરી પાડે છે. તેના આધારે દર વર્ષે આશરે 9 લાખ મેટ્રિક ટન ખાંડનું ઉત્પાદન થાય છે.

ભાવ ₹6,000 પ્રતિ ક્વિન્ટલથી નીચે

અગાઉ ફેક્ટરી બહાર ખાંડના ભાવ ₹6,500 પ્રતિ ક્વિન્ટલથી પણ ઉપર પહોંચ્યા હતા. ઉપલબ્ધ માહિતી મુજબ હાલમાં ભાવ ઘટીને ₹6,000 પ્રતિ ક્વિન્ટલથી નીચે આવ્યા છે. નવી પીલાણ સીઝન શરૂ થયા બાદ બજારમાં પુરવઠો વધે તો ભાવ પર વધુ દબાણ આવી શકે છે.

શેરડીમાંથી સીધું Ethanol બનતું નથી

ગુજરાતની ખાંડ સહકારી મંડળીઓ શેરડીમાંથી સીધું ethanol બનાવતી નથી. શેરડીના પીલાણ બાદ ખાંડનું ઉત્પાદન થાય છે અને ત્યારબાદ મળતા molassesમાંથી ethanol બનાવવામાં આવે છે.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16

આ પણ વાંચો: https://kuberanow.com/india/india-sugar-import-rules-refining-deadline-price-fall-2026082600003