હિંમતનગર માર્કેટયાર્ડમાં મગફળીના ભાવમાં જોરદાર ઉછાળો, ખેડૂતો ખુશખુશાલ

તહેવારો પહેલાં મગફળીના સારા ભાવ મળતાં સાબરકાંઠાના ખેડૂતો માટે રાહતના સમાચાર સામે આવ્યા છે. હિંમતનગર માર્કેટયાર્ડમાં મગફળીના ભાવ પ્રતિ 20 કિલોએ ₹2,000ની સપાટી વટાવી ગયા છે. સારા ભાવને કારણે ખેડૂતોમાં ઉત્સાહ જોવા મળી રહ્યો છે અને ઉત્તર ગુજરાતના વિવિધ વિસ્તારોમાંથી મગફળીનો પાક લઈને ખેડૂતો હિંમતનગર યાર્ડમાં પહોંચી રહ્યા છે.

3 લાખથી વધુ બોરીની આવક

હિંમતનગર માર્કેટયાર્ડમાં મગફળીના સારા ભાવ મળતાં ખેડૂતો પોતાના વાહનોમાં પાક લઈને યાર્ડમાં પહોંચી રહ્યા છે. તેના કારણે માર્કેટયાર્ડમાં વાહનોની લાંબી કતારો જોવા મળી રહી છે. ચાલુ સિઝનમાં અત્યાર સુધીમાં 3 લાખથી વધુ મગફળીની બોરીની આવક નોંધાઈ છે. ઓછા વરસાદની વિપરીત પરિસ્થિતિ વચ્ચે પણ મગફળીનો પાક ખેડૂતો માટે આવકનો મુખ્ય આધાર બન્યો છે.

સારા ભાવથી ખેડૂતોમાં ઉત્સાહ

મગફળીના ભાવ ₹2,000 પ્રતિ 20 કિલોની સપાટી વટાવતા ખેડૂતોમાં ખુશી જોવા મળી રહી છે. હિંમતનગર માર્કેટયાર્ડમાં સમગ્ર ઉત્તર ગુજરાતમાં સૌથી ઊંચા ભાવ નોંધાયા હોવાનો દાવો કરવામાં આવ્યો છે. બમ્પર આવક છતાં ભાવ ઊંચા રહેતા ખેડૂતોને આર્થિક રાહત મળી છે. મગફળીની સારી ગુણવત્તા અને બજારમાં ઊંચી માંગને ભાવમાં ઉછાળાનું કારણ માનવામાં આવી રહ્યું છે.

આગામી દિવસોમાં વધુ 4 લાખ બોરીની આવકની શક્યતા

માર્કેટયાર્ડના વેપારીઓના જણાવ્યા મુજબ આગામી દિવસોમાં હિંમતનગર યાર્ડમાં મગફળીની વધુ 4 લાખ બોરીની આવક થવાની શક્યતા છે. આવક વધવાની સંભાવના વચ્ચે પણ મગફળીના ભાવ ઊંચા રહેતાં ખેડૂતોમાં ઉત્સાહનો માહોલ છે. તહેવારો પહેલાં મળેલા સારા ભાવથી સાબરકાંઠાના ગ્રામીણ અર્થતંત્રમાં પણ નવી રોનક જોવા મળી રહી છે.

આ પણ વાંચો : Wiproના શેરમાં જોરદાર ખરીદી! નબળા નફા છતાં સ્ટોક 6.5% ઉછળ્યો

આ પણ જુઓ:

Watch onYouTube