Jio IPO માટે વિદેશી રોકાણકારોમાં જોરદાર રસ, GMP ₹200ને પાર પહોંચી

Jio Platforms Ltdના સંભવિત IPO માટે વૈશ્વિક રોકાણકારોમાં ભારે રસ જોવા મળી રહ્યો છે. Bloombergના અહેવાલ મુજબ કંપનીના IPO માટે $20 બિલિયનથી વધુની માંગ મળી છે, જે ભારતના સૌથી મોટા IPOમાંથી એક બની શકે છે. અહેવાલ મુજબ Fidelity, Allianz અને Capital Group ઉપરાંત અન્ય આંતરરાષ્ટ્રીય અને સ્થાનિક રોકાણકારોએ પણ આ IPOમાં રસ દર્શાવ્યો છે. જોકે પ્રક્રિયા હજુ ચાલુ છે અને Anchor Investorsની અંતિમ યાદી હજી નક્કી થઈ નથી.

₹10.3 લાખ કરોડ સુધીનું મૂલ્યાંકન

અહેવાલ મુજબ Jio Platforms IPOમાં પોતાનું મૂલ્યાંકન ₹10.3 લાખ કરોડ સુધી રાખવાની તૈયારીમાં છે. આ અગાઉ કંપની માટે $170 બિલિયન સુધીના મૂલ્યાંકનની ચર્ચા થઈ હતી, પરંતુ હાલમાં IPO માટે આશરે $108 બિલિયન, એટલે કે ₹10.3 લાખ કરોડ સુધીનું મૂલ્યાંકન લક્ષ્યમાં હોવાનું સૂત્રોએ જણાવ્યું છે.

મોટા વૈશ્વિક રોકાણકારોનો રસ

Fidelity, Allianz અને Capital Group જેવા મોટા વૈશ્વિક રોકાણકારોએ IPOમાં રસ દર્શાવ્યો હોવાનું અહેવાલમાં જણાવાયું છે. હાલમાં મળેલી માંગ અને રોકાણકારોની ચર્ચા જોતા IPO માટે મજબૂત સંસ્થાકીય રસ દેખાઈ રહ્યો છે. પરંતુ કંપની અથવા રોકાણકારો તરફથી તમામ વિગતોની સત્તાવાર પુષ્ટિ હજી થઈ નથી.

GMPમાં સતત વધારો

Jio પ્લેટફોર્મ્સના પ્રસ્તાવિત IPOની તારીખ નજીક આવતા ગ્રે માર્કેટમાં GMP સતત વધી રહ્યો છે. મંગળવારે Jio પ્લેટફોર્મ્સનો GMP વધીને ₹200 પર પહોંચ્યો છે, જે અગાઉના બે સત્રોમાં ₹182 અને ₹170 હતો. જોકે, ગ્રે માર્કેટના ભાવ સત્તાવાર નથી અને IPO ખુલતા પહેલાં તેમાં ફેરફાર થઈ શકે છે. GMPના આધારે IPOના અંતિમ મૂલ્યાંકન કે લિસ્ટિંગ સમયે મળનારા વળતરની ખાતરી કરી શકાતી નથી.

Anchor Investorsની યાદી ટૂંક સમયમાં

અહેવાલ મુજબ IPO માટે Anchor Investorsની અંતિમ યાદી આગામી દિવસોમાં નક્કી થઈ શકે છે. પ્રક્રિયા હજુ ચાલુ હોવાથી કોણ કેટલું રોકાણ કરશે તે અંગે કોઈ અંતિમ નિર્ણય લેવાયો નથી.

આ પણ વાંચો: Stock market: કેન્દ્રીય નાણાપ્રધાનના LTCG અને STT પર હકારાત્મક વલણથી બજારમાં ધનાધન તેજી

Akash Ambani સંભાળી રહ્યા છે IPOની તૈયારી

Jio Platformsના Managing Director Akash Ambani છેલ્લા કેટલાક અઠવાડિયાથી Hong Kong, London અને New Yorkમાં રોકાણકારો સાથે બેઠક કરી રહ્યા હોવાનું અહેવાલમાં જણાવાયું છે. બેઠકો દરમિયાન રોકાણકારોએ ખાસ કરીને Jioના મૂલ્યાંકન અને કંપની તેના ડિજિટલ પ્લેટફોર્મ અને સેવાઓમાંથી આવક કેવી રીતે વધારશે તે અંગે પ્રશ્નો પૂછ્યા હતા.

IPO માટે સૌથી મોટો મુદ્દો શું?

Jio Platforms માટે માત્ર ગ્રાહકોની સંખ્યા નહીં, પરંતુ ડિજિટલ સેવાઓમાંથી કમાણી વધારવાની ક્ષમતા પણ રોકાણકારો માટે મહત્વનો મુદ્દો બની રહી છે. આથી IPOમાં કંપનીનું મૂલ્યાંકન, ડિજિટલ બિઝનેસમાંથી આવક અને લાંબા ગાળાની વૃદ્ધિની યોજના પર રોકાણકારોની ખાસ નજર રહેશે. જો IPO માટે મળતી માંગ અંતિમ તબક્કામાં પણ મજબૂત રહે તો Jio Platformsનું IPO ભારતના સૌથી મોટા IPOમાં સ્થાન મેળવી શકે છે.

આ પણ જુઓ

Watch onYouTube