પીસી જ્વેલર લિમિટેડના શેરમાં 9 ટકાનો ઉછાળો, ઋણમુક્ત થયા પછી કંપનીના સારા પરિણામ

સોના અને હીરાના ઘરેણાંના ઉત્પાદક અને રિટેલર 'પીસી જ્વેલર લિમિટેડ' (PC Jeweller Ltd) ના શેરમાં ગુરુવારે, 22 ઓક્ટોબરે લગભગ 9 ટકાનો ઉછાળો જોવા મળ્યો હતો. કંપનીએ નાણાકીય વર્ષ 2026-27ના જુલાઈ-સપ્ટેમ્બર ત્રિમાસિક ગાળા માટે તેના એકીકૃત ચોખ્ખા નફામાં (consolidated net profit) વાર્ષિક ધોરણે 58 ટકાનો વધારો નોંધાવીને તે 330.66 કરોડ રૂપિયા સુધી પહોંચાડ્યો છે, જેનું મુખ્ય કારણ વેચાણમાં થયેલો વધારો છે. અગાઉના વર્ષના સમાન ત્રિમાસિક ગાળામાં કંપનીએ 209.54 કરોડ રૂપિયાનો ચોખ્ખો નફો નોંધાવ્યો હતો.

બીએસઈ (BSE) પર, પીસી જ્વેલરના શેર આજે 19.81 રૂપિયાના ભાવે ખૂલ્યો હતો અને તેમાં 8.96 ટકાનો ઉછાળો આવતા તે 20.17 રૂપિયાની સપાટીએ પહોંચ્યા હતો. અગાઉના દિવસના બંધ ભાવ 18.51 રૂપિયા હતા. પીસી જ્વેલરના નાણાકીય વર્ષ 2026-27ના બીજા ત્રિમાસિક ગાળાના (Q2FY27) પરિણામોમાં જોઈએ તો સમીક્ષા હેઠળના ત્રિમાસિક ગાળામાં કંપનીની કુલ આવક 28 ટકા વધીને 1,054.47 કરોડ રૂપિયા થઈ છે, જે અગાઉના વર્ષના સમાન ગાળામાં 825.25 કરોડ રૂપિયા હતી. કંપનીનો ખર્ચ વધીને 759.42 કરોડ રૂપિયા રહ્યો છે, જે એક વર્ષ પહેલાં 688.85 કરોડ રૂપિયા હતો.

કંપનીએ વધુમાં ઉમેર્યું કે, "નાણાકીય વર્ષ 2026-27ના બીજા ભાગથી વ્યાજ ખર્ચમાં નોંધપાત્ર ઘટાડો થવાની અપેક્ષા છે, જેની સકારાત્મક અસર કંપનીના ચોખ્ખા નફા પર જોવા મળશે." કંપનીએ એમ પણ જણાવ્યું હતું કે, બીજા ત્રિમાસિક ગાળા દરમિયાન વાટાઘાટો અને વિવિધ મુદ્દાઓના ઉકેલ બાદ, નિકાસ સાથે સંકળાયેલા દેવાદારો (export debtors) પાસેથી લગભગ 142 કરોડ રૂપિયાની રકમ પ્રાપ્ત થઈ છે. આ ઘટના લાંબા સમયથી બાકી રહેલી લેણી રકમોની વસૂલાતની શરૂઆત દર્શાવે છે.

PC Jewellers (PC જ્વેલર્સ) એ આગામી 12-18 મહિનામાં પ્રથમ,દ્વીતિય અને તૃતીય શ્રેણીના શહેરોમાં 100 જેટલા મોટા કદના શોરૂમ શરૂ કરવાની યોજના જાહેર કરી છે. આ વિસ્તરણ કંપનીના પોતાના શોરૂમ અને 'એસેટ-લાઇટ' (ઓછી મૂડી રોકાણવાળા) ફ્રેન્ચાઇઝી મોડેલના મિશ્રણ દ્વારા કરવામાં આવશે.

કંપનીએ જણાવ્યું હતું કે, "તેમને પૂરો વિશ્વાસ છે કે તેઓ ચાલુ નાણાકીય વર્ષમાં જ નવા શોરૂમ સ્થાપવાનું શરૂ કરી દેશે." કંપનીએ વધુમાં ઉમેર્યું કે તેઓ એક નવી જ્વેલરી બ્રાન્ડ લોન્ચ કરવાની તૈયારી કરી રહ્યા છે. આ બ્રાન્ડ ખાસ કરીને યુવા ગ્રાહકો અને પોતાની ખરીદી જાતે કરનારા ખરીદદારો પર ધ્યાન કેન્દ્રિત કરશે, જેમાં 'ડેમી-ફાઇન' (હળવા વજનના) દાગીના અને લેબમાં તૈયાર થયેલા હીરા (lab-grown diamonds) જડેલા દાગીનાનો સમાવેશ થશે.

BSE (બોમ્બે સ્ટોક એક્સચેન્જ) ના વિશ્લેષણ મુજબ, PC Jeweller ના શેરમાં ચાલુ વર્ષે અત્યાર સુધીમાં 108.06 ટકાનો ઉછાળો આવ્યો છે, જ્યારે છેલ્લા છ મહિનામાં આ સ્ટોકે 97.85 ટકા વળતર આપ્યું છે. છેલ્લા ત્રણ મહિનામાં શેરમાં 96.36 ટકા અને છેલ્લા એક મહિનામાં 42.65 ટકાનો વધારો નોંધાયો છે.

Watch onYouTube