બાઈક લેવાનો વિચાર કરી રહ્યા છો? તો આવી ગઈ છે TVSની ધમાકેદાર બાઈક; કિંમત માત્ર ₹67,100થી શરૂ

TVS Motor Companyએ તહેવારોની સીઝન વચ્ચે નવી ડિઝાઇનવાળી TVS Radeon રજૂ કરી છે. કંપનીના જણાવ્યા મુજબ Radeonના 11 લાખથી વધુ ગ્રાહકો છે અને નવી આવૃત્તિમાં તેની રોજિંદા ઉપયોગની ખાસિયતો જાળવી રાખીને વધુ આધુનિક લૂક આપવામાં આવ્યો છે. નવી Radeonમાં આગળથી પાછળ સુધી ડિઝાઇનમાં ફેરફાર કરવામાં આવ્યા છે. ફ્યુઅલ ટેન્ક, સાઇડ પેનલ અને પાછળના ભાગને નવી રીતે તૈયાર કરવામાં આવ્યા છે.

નવી ડિઝાઇન સાથે Full LED Headlamp

નવી TVS Radeonમાં ન્યૂ-જનરેશન ફુલ LED હેડલેમ્પ આપવામાં આવ્યું છે. તેની સાથે નવી સિગ્નેચર લાઇટિંગ અને LED ટર્ન સિગ્નલ્સ આપવામાં આવ્યા છે. પાછળના ભાગમાં નવી LED ટેઈલ લેમ્પ આપવામાં આવી છે, જેમાં 3D Tunnel Effect અને સિગ્નેચર ડિઝાઇનનો ઉપયોગ કરવામાં આવ્યો છે. નવા ડાયનેમિક ગ્રાફિક્સથી પણ બાઇકને વધુ યુવા અને આધુનિક લૂક આપવાનો પ્રયાસ કરવામાં આવ્યો છે.

રોજિંદા ઉપયોગની ખાસિયતો યથાવત

કંપનીએ નવી Radeonની ડિઝાઇન બદલી છે, પરંતુ રોજિંદા ઉપયોગ માટેની તેની મુખ્ય સુવિધાઓ યથાવત રાખી છે. બાઇકમાં સેગમેન્ટની સૌથી લાંબી સીટ આપવામાં આવી છે. તેની સાથે RTMI ધરાવતું Reverse LCD Cluster પણ ઉપલબ્ધ રહેશે, જે રાઇડરને જરૂરી માહિતી બતાવે છે.

TVS Motor શું કહે છે?

TVS Motor Companyના Senior Vice President અનિરુદ્ધ હલદરના જણાવ્યા મુજબ ગ્રાહકોની જીવનશૈલી અને પસંદગીઓ બદલાઈ રહી છે અને નવી Radeonને તે બદલાવને ધ્યાનમાં રાખીને તૈયાર કરવામાં આવી છે. કંપનીના જણાવ્યા મુજબ નવી લાઇટિંગ, ગ્રાફિક્સ અને ડિઝાઇન દ્વારા Radeonને વધુ યુવા અને આગવી ઓળખ આપવામાં આવી છે, જ્યારે તેની મજબૂતી અને વિશ્વસનીયતા જાળવી રાખવામાં આવી છે.

ત્રણ વેરિયન્ટમાં મળશે નવી Radeon

નવી TVS Radeon ત્રણ વેરિયન્ટમાં ઉપલબ્ધ થશે. જેની કિંમત સાથે નીચે મુજબ છે.

90 દેશોમાં TVS Motorની હાજરી

TVS Motor બે અને ત્રણ પૈડાંના વાહનોનું ઉત્પાદન કરતી કંપની છે. કંપનીના ઉત્પાદન એકમો ભારત અને ઇન્ડોનેશિયામાં છે અને તે 90થી વધુ દેશોમાં કાર્યરત છે.

આ પણ જુઓ

Watch onYouTube