Bullion Market Alert: સોનાની આયાતમાં બેંકોને ઝટકો, 3% IGST રાહત રદ થવાની શક્યતા

સોના, ચાંદી અને પ્લેટિનિયમ જેવી કિંમતી ધાતુઓની આયાતને લઈને સરકાર GST નિયમોમાં ફેરફાર અંગે વિચારણા કરી શકે છે. બેન્કો અને નોમિનેટેડ એજન્સીઓને મળતી IGST રાહત પાછી ખેંચવાનો મુદ્દો આગામી GST કાઉન્સિલની બેઠકમાં ચર્ચાઈ શકે છે. જો આ રાહત પરત લેવામાં આવે તો કિંમતી ધાતુઓની આયાત સાથે જોડાયેલી બેન્કો અને એજન્સીઓ માટે ટેક્સ વ્યવસ્થામાં ફેરફાર થઈ શકે છે.

હાલમાં આયાત પર 3% IGST

સોના, ચાંદી અને પ્લેટિનિયમની આયાત પર હાલમાં 3% ઇન્ટિગ્રેટેડ GST એટલે કે IGST લાગે છે. જોકે, સરકાર દ્વારા સમયાંતરે લિસ્ટ કરવામાં આવેલી કેટલીક બેન્કો અને નોમિનેટેડ એજન્સીઓને આ કિંમતી ધાતુઓની આયાત પર IGSTમાં રાહત આપવામાં આવે છે.

7 ઓક્ટોબરે GST કાઉન્સિલમાં ચર્ચા

સૂત્રોના જણાવ્યા અનુસાર, 7 ઓક્ટોબરે યોજાનારી GST કાઉન્સિલની બેઠકમાં બેન્કો અને નોમિનેટેડ એજન્સીઓને વર્ષ 2019માં આપવામાં આવેલી ટેક્સ રાહત પરત ખેંચવા અંગે ચર્ચા થઈ શકે છે. રાહત પરત લેવામાં આવે તો બુલિયન એક્સચેન્જ અને આ નોમિનેટેડ એજન્સીઓ ટેક્સની બાબતમાં એક જ સ્તરે આવી શકે છે.

કિંમતી ધાતુઓની આયાત સરકાર માટે ચિંતાનો વિષય

સોના, ચાંદી અને અન્ય કિંમતી ધાતુઓની આયાત સરકાર માટે ચિંતાનો વિષય રહી છે. આ આયાતને કારણે વિદેશી મુદ્રા બજાર જાય છે અને તેની અસર ભારતના વિદેશી મુદ્રા ભંડાર પર પણ પડે છે.

આ પણ વાંચો : હળદરમાં તેજીનો ભડકો: પાક 25% ઘટવાની ભીતિ, સ્ટોક તળિયે પહોંચ્યો

આ પણ જુઓ :

Watch onYouTube