ઓગસ્ટમાં ગુજરાતના GST કલેક્શનમાં 28%ની વૃદ્ધિ

ગુજરાતની GST આવકમાં ઓગસ્ટ 2026 દરમિયાન મજબૂત વધારો નોંધાયો છે. રાજ્યને ઓગસ્ટમાં GST હેઠળ ₹8,312 કરોડની આવક થઈ છે, જે ગયા વર્ષના સમાન મહિનાના ₹6,490 કરોડની સરખામણીએ 28% વધુ છે. રાજ્યની GST આવક વૃદ્ધિ રાષ્ટ્રીય સરેરાશ કરતાં પણ નોંધપાત્ર રીતે વધારે રહી છે. પ્રેસનોટ મુજબ ઓગસ્ટમાં રાષ્ટ્રીય સ્તરે GST આવકનો વૃદ્ધિદર 14.8% રહ્યો હતો.

પાંચ મહિનામાં GST આવક ₹41,691 કરોડ

નાણાકીય વર્ષ 2026-27ના પ્રથમ પાંચ મહિના એટલે કે એપ્રિલથી ઓગસ્ટ દરમિયાન ગુજરાતને GST હેઠળ કુલ ₹41,691 કરોડની આવક થઈ છે. ગયા નાણાકીય વર્ષના સમાન સમયગાળામાં આ આવક ₹32,490 કરોડ હતી. આ રીતે પાંચ મહિનામાં પણ GST આવકમાં વાર્ષિક ધોરણે આશરે 28%નો વધારો નોંધાયો છે.

આ પણ વાંચો: ભાવનગર પરા યાર્ડનું થશે આધુનિકીકરણ, ₹125 કરોડના પ્રોજેક્ટને મળી મંજૂરી

VATમાંથી ₹3,047 કરોડની આવક

ઓગસ્ટ 2026માં રાજ્યને GST ઉપરાંત અન્ય કરમાંથી પણ નોંધપાત્ર આવક થઈ છે. રાજ્યને VAT હેઠળ ₹3,047 કરોડ, વિદ્યુત શુલ્ક હેઠળ ₹1,125 કરોડ અને વ્યવસાય વેરા હેઠળ ₹22 કરોડની આવક થઈ છે.

અમારી WhatsApp ચેનલમાં જોડાવવા અહીં આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16