ગુજરાતના 5 યાત્રાધામોમાં નવ દિવસ નવરાત્રિની ભવ્ય ઉજવણી થશે, સરકારે ₹2.90 કરોડ મંજૂર કર્યા

ગુજરાતના પાંચ પ્રસિદ્ધ પવિત્ર યાત્રાધામોમાં આ વર્ષે નવરાત્રિ મહોત્સવની નવ દિવસ ભવ્ય ઉજવણી કરવામાં આવશે. રાજ્ય સરકારે આ આયોજન માટે કુલ ₹2.90 કરોડના ખર્ચને મંજૂરી આપી છે. હાલની વ્યવસ્થા મુજબ એક દિવસીય નવરાત્રિ કાર્યક્રમ યોજવાની જોગવાઈ હતી, પરંતુ શ્રદ્ધાળુઓની આસ્થા અને લાગણીને ધ્યાનમાં રાખીને હવે સમગ્ર નવરાત્રિ દરમિયાન ગરબા અને સાંસ્કૃતિક કાર્યક્રમો યોજવાનો નિર્ણય લેવાયો છે.

કયા યાત્રાધામોમાં થશે આયોજન?

નવ દિવસીય કાર્યક્રમ માટે પાંચ યાત્રાધામ પસંદ કરવામાં આવ્યા છે. તેમાં અંબાજી, ઉનાઈ, મોઢેરા, બહુચરાજી અને ઊંઝાનો સમાવેશ થાય છે. આયોજન હેઠળ શ્રી આરાસુરી અંબાજી માતા દેવસ્થાન ટ્રસ્ટ, ઉનાઈ માતાજી મંદિર, શ્રી મોઢેશ્વરી માતાજી મંદિર, શ્રી બહુચરાજી માતાજી મંદિર અને શ્રી ઉમિયા માતાજી મંદિર ખાતે કાર્યક્રમો યોજાશે.

₹2.90 કરોડનો કુલ ખર્ચ

આ પાંચેય સ્થળે કલાકારો, કાર્યક્રમ વ્યવસ્થા અને અન્ય આનુષંગિક ખર્ચ માટે મળીને કુલ ₹2.90 કરોડ ખર્ચવાની મંજૂરી આપવામાં આવી છે.

ભક્તિ સાથે ગરબાનો આનંદ

આ આયોજનથી સ્થાનિક લોકો અને રાજ્યભરમાંથી આવતા શ્રદ્ધાળુઓને ભક્તિમય વાતાવરણમાં ગુજરાતના લોકકલાકારોની કલા અને સંસ્કૃતિ માણવાની તક મળશે. યાત્રાધામોમાં દર્શન સાથે ગરબા અને સાંસ્કૃતિક કાર્યક્રમોનો પણ લાભ મળશે, જેથી નવરાત્રિ દરમિયાન ધાર્મિક અને સાંસ્કૃતિક માહોલ વધુ જીવંત બનશે.

આ પણ જુઓ

Watch onYouTube