Runwal Enterprises IPO: એન્કર રોકાણકારો પાસેથી ₹149 કરોડ એકત્રિત કર્યા

રિયલ એસ્ટેટ ડેવલપર Runwal Enterprises Limitedએ IPO પહેલા એન્કર રોકાણકારો પાસેથી ₹149 કરોડ એકત્રિત કર્યા છે. કંપનીનો IPO જાહેર સબ્સ્ક્રિપ્શન માટે શુક્રવાર, 25 સપ્ટેમ્બર 2026ના રોજ ખુલશે. કંપનીએ સ્ટોક એક્સચેન્જને આપેલી માહિતી મુજબ, એન્કર રોકાણકારોને ₹305 પ્રતિ શેરના ભાવે કુલ 48,83,605 ઇક્વિટી શેર ફાળવવામાં આવ્યા છે. Runwal Enterprises રિયલ એસ્ટેટ ક્ષેત્રની કંપની છે, જે સસ્તા આવાસ (Affordable Housing), મિડ-ઇન્કમ અને લક્ઝરી સેગમેન્ટમાં રહેણાંક પ્રોજેક્ટ્સ વિકસાવે છે. કંપની રિયલ એસ્ટેટ ડેવલપમેન્ટના વિવિધ સેગમેન્ટમાં કામ કરે છે.

એન્કર રોકાણકારોમાં મોટા નામ સામેલ

Tata Mutual Fund

360 One Prime Limited

Maybank Securities Pte. Ltd.

Authum Investment And Infrastructure Limited

Mukul Agarwal સમર્થિત Sanshi Fund-I

Madhu Kela સમર્થિત Founders Collective Fund

Capri Global Capital Limited

Ashika Global Finance Private Limited

LRSD Securities Pvt. Ltd.

મ્યુચ્યુઅલ ફંડનો મોટો હિસ્સો

કંપની દ્વારા એન્કર રોકાણકારોને ફાળવવામાં આવેલા કુલ 48,83,605 શેરમાંથી 13,11,436 શેર, એટલે કે કુલ ફાળવણીના 26.85% શેર એક જ ડોમેસ્ટિક મ્યુચ્યુઅલ ફંડને ફાળવવામાં આવ્યા છે. આ મ્યુચ્યુઅલ ફંડે કુલ બે અલગ-અલગ સ્કીમ મારફતે Runwal Enterprises IPOમાં રોકાણ માટે અરજી કરી છે.

IPO પર રોકાણકારોની નજર

એન્કર રોકાણકારો પાસેથી મળેલો પ્રતિસાદ IPO માટે મહત્વપૂર્ણ માનવામાં આવે છે. રિયલ એસ્ટેટ સેક્ટરમાં રહેણાંક માંગમાં સુધારો, પ્રીમિયમ હાઉસિંગ સેગમેન્ટનો વિકાસ અને શહેરી વિસ્તરણ જેવા પરિબળોને કારણે રોકાણકારોનું ધ્યાન આ ક્ષેત્રની કંપનીઓ પર છે. હવે Runwal Enterprisesનો IPO ખુલ્યા બાદ રિટેલ અને અન્ય કેટેગરીના રોકાણકારો તરફથી મળનારા પ્રતિસાદ પર બજારની નજર રહેશે.

આ પણ વાંચો: SEBIની બેઠકમાં 13 મોટા નિર્ણય, રોકાણકારોથી લઈને REITs અને વિદેશી રોકાણ સુધી બદલાશે નિયમો

આ પણ જુઓ:

Watch onYouTube