Jefferies Buy Rating: Adani ગ્રુપની 4 કંપનીઓ પર Jefferiesનો બુલિશ વ્યૂ, 49% સુધીના ઉછાળાની શક્યતા

ગ્લોબલ બ્રોકરેજ ફર્મ જેફરીઝે અદાણી ગ્રુપની ચાર લિસ્ટેડ કંપનીઓ પર ખરીદીની સલાહ આપી છે. બ્રોકરેજના આ રિપોર્ટ બાદ શુક્રવારે અદાણી ગ્રુપના શેરોમાં તેજી જોવા મળી હતી. અદાણી ગ્રીન એનર્જી, અદાણી પોર્ટ્સ, અદાણી પાવર અને અદાણી એનર્જી સોલ્યુશન્સના શેર દિવસના ઉચ્ચ સ્તરે 4% સુધી વધ્યા હતા. જેફરીઝના ટાર્ગેટ પ્રાઇસ અનુસાર, આ શેરોમાં શુક્રવારના ઉચ્ચ સ્તરથી પણ 21%થી 43% સુધીની સંભવિત તેજીનો અવકાશ હોવાનું બ્રોકરેજે જણાવ્યું છે.

Adani Green Energy

અદાણી ગ્રીન એનર્જીનો શેર શુક્રવારે 5.6% સુધી વધીને ₹1,338.05ના દિવસના ઉચ્ચ સ્તરે પહોંચ્યો હતો. જેફરીઝે કંપની માટે ₹1,695નો ટાર્ગેટ પ્રાઇસ આપ્યો છે. બ્રોકરેજ અનુસાર, કંપની FY27માં 5 GW નવી ક્ષમતા ઉમેરવાના લક્ષ્ય પર આગળ વધી રહી છે. સાથે જ BESS ક્ષમતા વધારવાની યોજના પર પણ કામ ચાલી રહ્યું છે.

Adani Ports

અદાણી પોર્ટ્સનો શેર શુક્રવારે 2%થી વધુ વધીને ₹1,779.75ના સ્તરે પહોંચ્યો હતો. જેફરીઝે આ શેર માટે ₹2,150નો ટાર્ગેટ આપ્યો છે. બ્રોકરેજના મતે, કંપની 2030 સુધીમાં 1 અબજ ટન કાર્ગો હેન્ડલિંગ ક્ષમતા હાંસલ કરવાનો લક્ષ્ય ધરાવે છે. ઘરેલુ અને આંતરરાષ્ટ્રીય પોર્ટ બિઝનેસના વિસ્તરણથી વૃદ્ધિને ટેકો મળવાની અપેક્ષા છે.

આ પણ વાંચો: TRAI New Rules: સ્પામ કોલ અને મેસેજ સામે TRAIના નવા નિયમો, 3 ફરિયાદ બાદ નંબર થશે ડિસ્કનેક્ટ!

Adani Power

અદાણી પાવરનો શેર શુક્રવારે 1%થી વધુ વધીને ₹209.60ના દિવસના ઉચ્ચ સ્તરે પહોંચ્યો હતો. જેફરીઝે કંપની માટે ₹270નો ટાર્ગેટ પ્રાઇસ આપ્યો છે. કંપની FY32 સુધીમાં પોતાની વીજ ઉત્પાદન ક્ષમતા વધારવાનું લક્ષ્ય ધરાવે છે. જેફરીઝે FY26-30 દરમિયાન EBITDAમાં 22% CAGRનો અંદાજ વ્યક્ત કર્યો છે.

Adani Energy Solutions

અદાણી એનર્જી સોલ્યુશન્સના શેરમાં શુક્રવારે લગભગ 4%ની તેજી જોવા મળી હતી અને શેર ₹1,437ના ઉચ્ચ સ્તરે પહોંચ્યો હતો. જેફરીઝે કંપની માટે ₹2,060નો ટાર્ગેટ પ્રાઇસ આપ્યો છે. બ્રોકરેજ અનુસાર, ટ્રાન્સમિશન સેક્ટર, સ્માર્ટ મીટર અને ટ્રેડિંગ બિઝનેસ કંપનીની વૃદ્ધિના મુખ્ય કારણ બની શકે છે.

Watch onYouTube