Stock Market Today LIVE: સેન્સેક્સ અને નિફ્ટી 'રેડ ઝોન'માં, સેન્સેક્સ 300થી વધુ પોઈન્ટ તૂટ્યો

આજે બજાર ખુલતાની સાથે જ HFCLના શેરમાં 5%નો ઘટાડો જોવા મળ્યો છે. આ વર્ષની શરૂઆતથી અત્યાર સુધીમાં આ શેરમાં 198%થી વધુ અને છેલ્લા એક વર્ષમાં 174%થી વધુનો ઉછાળો આવ્યો હતો. HFCLનો શેર તેના 52-સપ્તાહના ઉચ્ચ સ્તર ₹282.25થી 37.2% નીચે છે. આ શેરમાં 51 લાખથી વધુ શેરનું ટ્રેડિંગ થયું, જે તેના 10-દિવસીય સરેરાશ વોલ્યુમ કરતાં 0.96 ગણું હતું.

સવારે આશરે 10 વાગ્યે સેન્સેક્સ 200 પોઈન્ટથી વધુ ઘટીને 80,775 પર જ્યારે નિફ્ટી 50 પોઈન્ટથી વધુ ઘટીને 24,950ના સ્તરથી નીચે ટ્રેડ થઈ રહ્યો હતો. વ્યાપક બજારો પણ લાલ રંગમાં સરકી ગયા છે, જેમાં નિફ્ટી મિડકેપ 100 અને નિફ્ટી સ્મોલકેપ 100 સૂચકાંકો 0.2% સુધી ઘટ્યા છે.

આજના કારોબારમાં એસ્કોર્ટ્સ કુબોટાના શેર 2.03% ઘટીને ₹ 2441 પર પહોંચી ટ્રેડ થઈ રહ્યાં છે.

પર્લ ગ્લોબલ ઈન્ડસ્ટ્રીનાં શેર બીજા ત્રિમાસિક પરિણામ બાદ 82.70 પોઈન્ટ સાથે 6.26 ટકા વધી 1404.20 પર ટ્રેડ થઈ રહ્યો છે.

આજે બજારમાં સુંદરમ ફાઇનાન્સના શેર 2.08% ઘટીને ₹4151.50 પર પહોંચી ટ્રેડ થઈ રહ્યાં છે.

આજના કારોબારમાં દાલમિયા ભારતના શેર 2.13% ઘટીને ₹1462 પર પહોંચી ટ્રેડ થઈ રહ્યાં છે.

આજના કારોબારમાં એન્ડ્યુરન્સ ટેક્નોલોજીસના શેર 2.05% ઘટીને ₹2476.90 પર પહોંચી ટ્રેડ થઈ રહ્યાં છે.

બોયોકોનનો શેર 2%થી વધુના ઉછાળા સાથે ₹374.95 પર આજનાં ટ્રેડિંગ સેશનમાં ટ્રેડ થઈ રહ્યો છે.

આજના ટ્રેડિંગમાં વોડાફોન આઈડિયાના શેરમાં 2.03%નો ઘટાડો થયો અને તે ₹12.55 પર પહોંચ્યા છે

Nifty50નાં 50માંથી 13 શેરોમાં મંદીની અસર જોવા મળી રહી છે. સ્ટેટ બેંક ઓફ ઈન્ડિયાનાં શેરમાં 2.10 ટકાનાં વધારા સાથે સૌથી વધુ ઉછાળો જોવા મળી રહ્યો છે. BSEનાં 30માંથી 7 શેરોમાં તેજી જોવા મળી રહી છે. જેમાં સ્ટેટ બેંક ઓફ ઈન્ડિયાનાં શેરમાં 2.18 ટકાનાં વધારા સાથે ટોપ પર્ફોર્મર જોવા મળ્યો છે.

સેક્ટરની દ્રષ્ટિએ જોઈએ તો, નિફ્ટી PSU બેંક 0.91 ટકાના વધારા સાથે સૌથી આગળ રહ્યું હતું, ત્યારબાદ નિફ્ટી ફાર્મામાં 0.69 ટકાનો ઉછાળો જોવા મળ્યો હતો. નિફ્ટી બેંકમાં 0.64 ટકાનો વધારો થયો હતો, જ્યારે 'ફાઇનાન્શિયલ સર્વિસીસ' અને 'પ્રાઇવેટ બેંક' સૂચકાંકો પણ તેજી સાથે કારોબાર કરી રહ્યા હતા. બીજી તરફ, નિફ્ટી ITમાં 1.47 ટકાનો ઘટાડો નોંધાયો હતો, જ્યારે ઓટો, FMCG, મેટલ અને રિયલ્ટી સૂચકાંકો દબાણ હેઠળ રહ્યા હતા.

સેન્સેક્સમાં સામેલ શેરોમાં સ્ટેટ બેંક ઓફ ઈન્ડિયા (SBI) ટોપ પર્ફોર્મર તરીકે ટ્રેડ થઈ રહ્યો છે, જેમાં 1.76 ટકાનો વધારો જોવા મળ્યો. ત્યારબાદ HDFC બેંક જેમાં 1.01 ટકાનો ઉછાળા સાથે બીજો ક્રમે ટ્રેડ થઈ રહ્યો છે. ICICI બેંકમાં 1.25 ટકાનો વધારો થયો, જ્યારે મહિન્દ્રા એન્ડ મહિન્દ્રા (M&M) અને ટાટા સ્ટીલમાં અનુક્રમે 1.05 ટકા અને 0.90 ટકાનો વધારો નોંધાયો.

બીજી તરફ, HCL ટેક્નોલોજીસમાં 2.08 ટકાનો ઘટાડો થયો અને તે સૌથી નબળો દેખાવ કરનાર શેર રહ્યો. ટેક મહિન્દ્રામાં 1.94 ટકા, TCSમાં 1.52 ટકા અને ઈન્ફોસિસમાં 1.46 ટકાનો ઘટાડો જોવા મળ્યો. પાવર ગ્રીડ, ITC અને એશિયન પેઈન્ટ્સ પણ ઘટાડો દર્શાવનારા અન્ય નોંધપાત્ર શેરોમાં સામેલ હતા.

ભારતીય શેરબજાર ખુલતા સેન્સેક્સ અને નિફ્ટી નજીવો વધી હાલ લાલ નિશાન સાથે ટ્રેડ થઈ રહ્યાં છે. સેન્સેક્સ 250 પોઈન્ટ અથવા 0.20% ઘટીને 80,780ના સ્તરે ખુલ્યો છે, જ્યારે નિફ્ટી50 79 પોઈન્ટ અથવા 0.34% ઘટીને 24,907ના સ્તરે ઘટીને ટ્રેડ થઈ રહ્યો છે.

દિવાળી ટ્રેડિંગ મુહૂર્ત બાદ ભારતીય શેરબજારની આજે પોઝિટિવ શરૂઆત થઈ છે. સેન્સેક્સ 289.91 પોઈન્ટ અથવા 0.36% વધીને 81,289.31ના સ્તરે ખુલ્યો છે, જ્યારે નિફ્ટી50 90.00 પોઈન્ટ અથવા 0.36% વધીને 25,076.40ના સ્તરે ખુલ્યો છે.