દિવાળી પછી સોનું મોંઘું થયું: 9 નવેમ્બરે તમારા શહેરમાં 10 ગ્રામનો શું છે ભાવ?

Gold Silver Rates: 9 નવેમ્બર, 2026 ના રોજ સોના અને ચાંદીના બજારમાં મોટી હલચલ જોવા મળી રહી છે. દિવાળીનો તહેવાર પૂર્ણ થતાં જ હવે સોનાના ભાવમાં ફરી એકવાર મોટો વધારો શરૂ થઈ ગયો છે. આંતરરાષ્ટ્રીય કોમોડિટી માર્કેટમાં કિંમતો સતત વધી રહી છે, જેની સીધી અસર ભારતના સ્થાનિક બજારો પર પણ સ્પષ્ટપણે પડી છે.

આંતરરાષ્ટ્રીય બજાર COMEX પર આજે સવારે સોનાના ભાવ 0.97 ટકાના ઉછાળા સાથે 4,114.50 ડોલર પ્રતિ ઔંસના સ્તરે પહોંચી ગયા છે. માત્ર સોનું જ નહીં, પરંતુ ચાંદીમાં પણ ભારે તેજી જોવા મળી છે. COMEX પર ચાંદીના ભાવ 2.71 ટકા વધીને 53,350 ડોલર પ્રતિ ઔંસ થઈ ગયા છે. વૈશ્વિક બજારની આ તેજીને જોતા ભારતના MCX (મલ્ટી કોમોડિટી એક્સચેન્જ) પર પણ ભાવમાં મોટો વધારો થવાની પૂરી અપેક્ષા છે. શુક્રવારે MCX પર ગયા સપ્તાહના છેલ્લા ટ્રેડિંગ દિવસે સોનાનો ભાવ 10 ગ્રામ દીઠ 1,42,364 રૂપિયા હતો, જ્યારે ચાંદી 1,84,977 રૂપિયા પ્રતિ કિલોગ્રામ પર બંધ થઈ હતી.

ભાવમાં અચાનક વધારા પાછળના કારણો:

સોના અને ચાંદીની કિંમતોમાં આવેલા આ મોટા ઉછાળા પાછળ કેટલાક મુખ્ય આંતરરાષ્ટ્રીય પરિબળો જવાબદાર છે. હાલમાં વૈશ્વિક બજારમાં કાચા તેલ (ક્રૂડ ઓઈલ) ના ભાવ ઘટી રહ્યા છે. આ સાથે જ અમેરિકાના પ્રમુખ ડોનાલ્ડ ટ્રમ્પે ઈરાન મુદ્દે એક મહત્ત્વનું નિવેદન આપ્યું છે. તેમણે સંકેત આપ્યો છે કે જો ઈરાન હોર્મુઝ સ્ટ્રેટ (સમુદ્રી માર્ગ) ખોલવા અને પોતાના પરમાણુ કાર્યક્રમ અંગે વાટાઘાટો કરવા માટે સહમત થાય, તો અમેરિકા દ્વારા ઈરાન પર નવા હુમલાની શક્યતા નહિવત્ થઈ જશે. આ ભૌગોલિક અને રાજકીય સ્થિતિની સીધી અસર રોકાણકારો પર પડી છે. વધુમાં, અમેરિકન બોન્ડ યીલ્ડ અને ડોલર ઈન્ડેક્સમાં આવેલો ઘટાડો પણ સોના-ચાંદીના ભાવને ઉપર લઈ જવામાં મોટો ભાગ ભજવી રહ્યો છે.

દેશના મુખ્ય શહેરોમાં આજના ભાવ

આંતરરાષ્ટ્રીય પરિબળોની અસરને પગલે આજે Bullions.co.in ના આંકડા મુજબ દેશમાં સોનાનો સરેરાશ ભાવ 1,43,040 રૂપિયા પ્રતિ 10 ગ્રામ અને ચાંદીનો ભાવ 1,85,690 રૂપિયા પ્રતિ કિલોગ્રામ પર ચાલી રહ્યો છે. ગુડ રિટર્ન્સ (Good Returns) ના રિપોર્ટ મુજબ, દેશના ચાર મોટા શહેરો - દિલ્હી, મુંબઈ, કોલકાતા અને ચેન્નાઈમાં આજે એક કિલો ચાંદીનો ભાવ 2,04,900 રૂપિયાની સપાટીએ પહોંચી ગયો છે.

રોકાણકારો અને સામાન્ય ગ્રાહકો માટે સોના-ચાંદીમાં રોકાણ કરવું કે ખરીદી કરવી તે હંમેશાં બજારની આ વધઘટ પર આધારિત હોય છે. દિવાળી પછીના આ નવા ટ્રેન્ડને જોતા નિષ્ણાતો માની રહ્યા છે કે આગામી લગ્નસરાની સિઝનમાં પણ ભાવમાં હજુ તેજી જોવા મળી શકે છે.

આ પણ વાંચોઃ કપાસના ભાવમાં ₹1500નો કડાકો: ડબલ આવકના દાવા વચ્ચે ખેડૂતો કેમ દેવામાં ડૂબ્યા?

આ પણ જુઓ

Watch onYouTube