જિયોબ્લોકમાં નવું ગોલ્ડ ઈટીએફ લાવવાની તૈયારી, રૂ. 500થી કરી શકાશે રોકાણ

જિયોબ્લેકરોક મ્યુચ્યુઅલ ફંડ ટૂંક સમયમાં જ બજારમાં એક નવો ગોલ્ડ ઈટીએફ (Gold ETF) લોન્ચ કરવાની છે. ફંડ હાઉસે જિયોબ્લેકરોક ગોલ્ડ ઈટીએફ માટે બજાર નિયામક સેબી પાસે ડ્રાફ્ટ દસ્તાવેજ જમા કર્યું છે. સેબીની વેબસાઈટ પર 5 ઓક્ટોબરે આ ડ્રાફ્ટ જમા કરાવાયા છે. જિયોબ્લેકરોક ગોલ્ડ ઈટીએફ એક ઓપન એન્ડડ સ્કીમ હશે, જે ઘરેલુ બજારમાં સોનાની કિંમત ટ્રેક કરશે. આ ફંડનો આશય ઘરેલુ કિંમતો પર ફિઝિકલ ગોલ્ડના પ્રદર્શન અનુરૂપ રિટર્ન હાસલ કરવું પડશે. જોકે, રિટર્નમાં ટ્રેકિંગ એરર (Tracking Error) હોઈ શકે છે.

રૂ. 500થી કરી શકાશે રોકાણ

જિયોબ્લેકરોક ગોલ્ડ ઈટીએફમાં લમ્પસમ રોકાણ માટે લઘુત્તમ અરજીની રકમ રૂ. 500 હશે અને ત્યાર બાદ રૂ. 1ના મલ્ટીપલમાં રોકાણ કરી શકાશે. ફંડ હાઉસ મુજબ યુનિટ્સ પૂરી સંખ્યામાં ફાળવવામાં આવશે અને ફ્રેક્શનલ યુનિટ્સની રકમ રોકાણકારોને પાછી આપી દેવાશે. આ ગોલ્ડ ઈટીએફના પ્રદર્શનની સરખામણી સોનાની ઘરેલુ કિંમત સાથે કરાશે. રેગ્યુલેશન 66 હેઠળ મહત્તમ બેઝ એક્સપેન્સ રેશિયો (BRE) 0.90 ટકા સુધી હોઈ શકે છે.

Gold ETF ક્યાં રોકાણ કરશે?

આ ફંડ તેની 95થી 100 ટકા રકમ સેબી તરફથી નિશ્ચિત કરાયેલા ગોલ્ડ અને ગોલ્ડ સંબંધિત ઈન્સ્ટ્રુમેન્ટ્સમાં રોકાણ કરશે. બીજીબાજુ 0થી 5 ટકા રકમ ડેટ અને મની માર્કેટ ઈન્સ્ટ્રુમેન્ટ્સમાં લગાવાશે. તેમાં મ્યુચ્યુઅલ ફંડના યુનિટ્સ પણ સામેલ હશે. તન્વી કચરિયા અને હરેશ મહેતા આ ફંડને મેનેજ કરશે. આ ગોલ્ડ ઈટીએફમાં એક્ઝિટ લોડ નહીં લાગે.

ફંડની ઈન્વેસ્ટમેન્ટ સ્ટ્રેટેજી

ડ્રાફ્ટ દસ્તાવેજ મુજબ આ સ્કીમ એક પેસિવ રીતે મેનેજ કરાનાર ઈટીએફ છે. તેનો રોકાણ ઉદ્દેશ્ય ઘરેલુ કિંમતો પર ફિઝિકલ ગોલ્ડના પ્રદર્શનને અનુરૂપ રિટર્ન મેળવવાનો છે. જોકે, રિટર્નમાં ટ્રેકિંગ એરર હોઈ શકે છે. આ લક્ષ્યને હાંસલ કરવા માટે સ્કીમ ગોલ્ડ અને ગોલ્ડ સંબંધિત ઈન્સ્ટ્રુમેન્ટ્સમાં રોકાણ કરશે.

ફંડનો કેટલોક ભાગ ડેટ અને મની માર્કેટ ઈન્સ્ટ્રુમેન્ટ્સ, મ્યુચ્યુઅલ ફંડના યુનિટ્સ અને કેશ તથા કેશ ઈક્વિવેલેન્ટ્સમાં રોકાણ કરી શકાય છે. આવા ઈન્સ્ટ્રુમેન્ટ્સમાં રોકાણ સ્કીમની એસેટ અલોકેશન ટેબલમાં નિશ્ચિત મર્યાદાઓ અને સેબીના મ્યુચ્યુઅલ ફંડ નિયમો હેઠળ નિર્ધારિત અનુમત મર્યાદો મુજબ કરી શકાશે. મની માર્કેટ ઈન્સ્ટ્રુમેન્ટ્સમાં રોકાણ કરતી વખતે ક્રેડિટ ક્વોલિટી, લિક્વિડિટી અને વ્યાજ દરોના આઉટલૂકને ધ્યાનમાં રાખવામાં આવશે. હાલ યોજનાના ડ્રાફ્ટ સેબી પાસે દાખલ કરાયા છે. હવે નિયામક તેની સમીક્ષા કરશે અને જરૂર પડતા ફેરફાર અથવા વધુ માહિતી માગી શકે છે. આ પ્રક્રિયા પૂરી થાય પછી અંતિમ દસ્તાવેજ અને એનએફઓની તારીખોની જાહેરાત કરાશે.