નોકરી આપવામાં સુરત નંબર-1, મહિલાઓની ભાગીદારી વધી

નેશનલ સ્ટેટિસ્ટિક્સ ઓફિસ (NSO)ના જિલ્લાવાર આંકડા મુજબ ભારતમાં કામકાજ કરતી મહિલાઓની ભાગીદારીમાં વધારો જોવા મળ્યો છે. સર્વેમાં સામેલ 100 જિલ્લાઓમાં ગુજરાતનું સુરત જિલ્લા મહિલા શ્રમબળ ભાગીદારી દર (LFPR) અને વર્કર પોપ્યુલેશન રેશિયો (WPR)ના આધારે દેશના અગ્રણી જિલ્લાઓમાં રહ્યું છે. રિપોર્ટ મુજબ સુરતમાં મહિલા LFPR 68.6% નોંધાયો છે, જે સર્વેમાં સામેલ જિલ્લાઓમાં સૌથી વધુ છે. જ્યારે રોજગારમાં રહેલી મહિલાઓના પ્રમાણને દર્શાવતો WPR પણ સૂરતમાં 67.8% રહ્યો છે.

દેશના 57.8% જિલ્લાઓમાં મહિલા LFPR 40%થી વધુ

NSOના આંકડા મુજબ દેશના 57.8% જિલ્લાઓમાં મહિલા શ્રમબળ ભાગીદારી દર 40% અથવા તેનાથી વધુ નોંધાયો છે. આ આંકડા મહિલાઓની રોજગાર ક્ષેત્રે વધતી ભાગીદારી તરફ સંકેત આપે છે.

સુરત પછી આ જિલ્લાઓ આગળ

મહિલા LFPRના મામલે સૂરત બાદ બિહારનું અરરિયા જિલ્લા 68% સાથે અને તમિલનાડુનું સેલમ જિલ્લા 67.8% સાથે આગળ રહ્યા છે. WPRના મામલે પણ સૂરત 67.8% સાથે પ્રથમ સ્થાને રહ્યું છે. બિહારનું અરરિયા 67.4% સાથે બીજા અને ગુજરાતનું બનાસકાંઠા 66.6% સાથે ત્રીજા સ્થાને રહ્યું છે.

યુવાનોના રોજગાર સંદર્ભમાં પણ આંકડા જાહેર

રિપોર્ટમાં 15થી 29 વર્ષની ઉંમરના યુવાનોમાં NEET (ન તો શિક્ષણમાં, ન રોજગારમાં અને ન તાલીમમાં સામેલ) દર અંગે પણ માહિતી આપવામાં આવી છે. કેરળનું એર્નાકુલમ, તમિલનાડુનું કોયમ્બતુર અને કર્ણાટકનું બેંગલુરુ (શહેરી) આ કેટેગરીમાં ઓછા NEET દર ધરાવતા જિલ્લાઓમાં સામેલ રહ્યા છે.

આ પણ વાંચો : ભાદરવી પૂનમના મેળા નિમિત્તે રેલવે દ્વારા અસારવા-ખેડબ્રહ્મા વચ્ચે સ્પેશિયલ ટ્રેન શરૂ

આ પણ જુઓ :

Watch onYouTube