અબજોપતિઓની વેલ્થ રેસમાં તેજી! દિવાળીએ કોણે મારી મોટી છલાંગ?

દિવાળીના અવસર પર ભારતના બે અગ્રણી ઉદ્યોગપતિ ગૌતમ અદાણી અને મુકેશ અંબાણીની સંપત્તિમાં મોટો વધારો નોંધાયો હતો. Bloomberg Billionaires Indexના આંકડા અનુસાર, મુહૂર્ત ટ્રેડિંગ દરમિયાન શેરબજારમાં બંને મુખ્ય સૂચકાંકો ઘટાડા સાથે બંધ થયા હોવા છતાં બંને ઉદ્યોગપતિઓની સંપત્તિ વધી હતી. ગૌતમ અદાણીની સંપત્તિમાં $1.95 અબજ એટલે કે ₹18,000 કરોડથી વધુનો વધારો થયો હતો. આ વધારા સાથે તેમની કુલ સંપત્તિ $119 અબજ થઈ હતી. તેઓ ભારત અને એશિયાના સૌથી અમીર વ્યક્તિ બન્યા હતા અને વૈશ્વિક અબજોપતિઓની યાદીમાં 18મા સ્થાને પહોંચ્યા હતા.

મુકેશ અંબાણીની સંપત્તિમાં ₹9,000 કરોડનો વધારો

રિલાયન્સ ઇન્ડસ્ટ્રીઝના ચેરમેન મુકેશ અંબાણીની સંપત્તિમાં પણ દિવાળીના દિવસે વધારો થયો હતો. તેમની સંપત્તિમાં $95.6 કરોડ એટલે કે આશરે ₹9,000 કરોડનો વધારો નોંધાયો હતો. આ વધારા બાદ તેમની કુલ સંપત્તિ $88.3 અબજ થઈ હતી. વૈશ્વિક અમીરોની યાદીમાં તેઓ 23મા સ્થાને રહ્યા હતા.

અદાણી ગ્રુપના શેરમાં તેજીની અસર

અદાણીની સંપત્તિમાં થયેલા વધારા પાછળ મુહૂર્ત ટ્રેડિંગ દરમિયાન અદાણી ગ્રુપની મોટાભાગની કંપનીઓના શેરમાં જોવા મળેલી તેજી મહત્વપૂર્ણ રહી હતી. શેરના ભાવમાં થયેલા ફેરફારની સીધી અસર અદાણીની કુલ સંપત્તિ પર પડી હતી.

એલન મસ્કની સંપત્તિમાં ₹5.69 લાખ કરોડનો ઉછાળો

ધનતેરસના દિવસે એલન મસ્કની સંપત્તિમાં એક જ દિવસમાં ₹5.69 લાખ કરોડનો વધારો થયો હોવાનો અહેવાલ છે. આ વધારા બાદ તેમની કુલ સંપત્તિ $845 અબજના ઐતિહાસિક સ્તરે પહોંચી હતી. આ ઉછાળા પાછળ SpaceX સાથે જોડાયેલા એક મહત્વપૂર્ણ ઘટનાક્રમને કારણ તરીકે દર્શાવવામાં આવ્યો છે. 20 ઑક્ટોબરની રાત્રે SpaceXની અર્નિંગ્સ કોલ દરમિયાન મસ્કે જણાવ્યું હતું કે બોર્ડ Tesla અને SpaceXના સંભવિત મર્જર અંગે ગંભીરતાથી વિચાર કરી રહ્યું છે. આ જાહેરાત બાદ બીજા દિવસે બજાર ખુલતાં રોકાણકારોમાં ઉત્સાહ જોવા મળ્યો હતો. SpaceXના ત્રીજા ક્વાર્ટરના સારા પરિણામોની અપેક્ષાએ પણ આ ઉત્સાહને વેગ મળ્યો હતો.

આ પણ વાંચો: નવા વર્ષના વધામણાં માટે ફૂલોની ખરીદીમાં ઉછાળો! ગલગોટા અને ગુલાબની માંગ વધી

આ પણ જુઓ :

Watch onYouTube